Enquisa sobre o galego

As organizacions con presenza no ámbito da educación abaixo asinantes, ante o anuncio da Consellaría de Educación e Ordenación Universitaria de realizar unha consulta nos centros educativos en relación co uso do galego, queren transmitir á comunidade educativa e á sociedade galega no seu conxunto as seguintes cuestións:

• Esta é unha consulta, deseñada á marxe da comunidade educativa, carente de rigor na metodoloxía de distribución e no procesamento de datos, e sen garantías para a intimidade das persoas e a protección de datos de carácter persoal.
• O Plan Xeral de Normalización da Lingua Galega, aprobado por unanimidade de todas as forzas políticas con representación no Parlamento Galego en 2004 (PP, PSOE e BNG), é un punto de encontró na definición dos obxectivos para o ámbito educativo. O Decreto 124/2007, de 28 de xuño, recolle este acordo do Parlamento Galego dándolle carácter normativo e a súa legalidade foi avalada por varias sentenzas do Tribunal Superior de Xustiza de Galicia. Esta norma pretende garantir unha competencia similar en galego e en castelán.
• O obxectivo de que ao remate do ensino obrigatorio os nenos e as nenas sexan plenamente competentes ñas dúas linguas oficiáis non pode conseguirse con menos do 50% das materias impartidas en galego. Coa enquisa que se envía aos centros o mantemento deste equilibrio tan só se garantiría marcando a resposta "en galego" ou "todo en galego". Esta opción non se refire á totalidade do ensino, senón ás materias que nabería que impartir hoxe en galego -o 50%- xa que a enquisa non recolle a opción de que todas as materias, agás as linguas, poidan ser impartidas en galego.

CIG • CCOO ■ CSI-CSIF • FETE-UGT ■ STEG ■ CAE ■ ASPG • NOVA ESCOLA GALEGA • ASOCIACIÓN DE DIRECTORES E DIRECTIVOS DE ÍES DE GALICIA ■ COORDENADORA DE EQUIPAS DE NORMALIZACIÓN LINGÜÍSTICA DE FERROLTERRA • COORDINADORA GALEGA DE EQUIPOS DE NORMALIZACIÓN E DINAMIZACIÓN LINGÜÍSTICA • A MESA POLA NORMALIZACIÓN LINGÜÍSTICA

A UNIÓN EUROPEA É UNHA NECESIDADE

As eleccións europeas de xuño 2009 concernen a todos os traballadores en Europa. Nun momento económico como o actual, a clase traballadora defende o valor central do traballo como o motor do desenvolvemento económico e social e como garantía de cohesión.

Os traballadores demandamos que o traballo decente, o diálogo social e a internacionalización dos dereitos sociais sexan a base dun novo modelo alternativo ao actual modelo de globalización económico que resultou ser un estrepitoso fracaso e cuxas consecuencias estamos pagando todos os traballadores.

POR UNHA EUROPA SOCIAL.
Europa adoptou máis de 60 leis sociais en beneficio dos traballadores, sobre todo en cuestións como saúde e seguridade, igualdade, transferencia de empresas, como os avances no acceso a dereitos iguais para os traballadores de empresas de traballo temporal ou o fortalecemento dos comités de empresa europeos.

O PARLAMENTO EUROPEO PODE MARCAR A DIFERENCIA.
Como así o fixo apoiando aos Sindicatos Europeos contra a Directiva Bolkestein sobre servizos ou votando en contra da Directiva da 65 horas. Polo tanto, os traballadores debemos utilizar o noso dereito democrático de votar ao mesmo tempo que lles facemos aos candidatos as seguintes reivindicacións:

1. Medidas que reforcen os dereitos dos traballadores e dos sindicatos. Demandamos unha revisión da directiva sobre o desprazamento de traballadores, co fin de restablecer os nosos dereitos fundamentais sobre a libre circulación da man de obra e os servizos.

2. Un novo pacto social na crise económica, coa plena participación dos sindicatos e dos traballadores, co obxectivo do pleno emprego, empregos de calidade, mellores salarios e mellores pensións, estados do benestar máis fortes, cotizacións máis elevadas, desenvolvemento sostible e unha forte regulación dos mercados financeiros. ¡Os traballadores non deben pagar o prezo da incompetencia dos banqueiros!

3. Unha política social europea máis forte e unha política fiscal coordinada para poñer en marcha unha Unión europea social.

4. Un acordo sobre tempo de traballo, que protexa os traballadores das longas horas de traballo, que garanta a todos os traballadores/as o dereito de poder conciliar o traballo e a vida familiar.

5. Maior protección contra a precariedade laboral. Unha mellor cobertura social é o paso cara a empregos de calidade.

6. Unha nova estratexia industrial europea baseada na innovación, a investigación e desenvolvemento, a educación e formación, e o desenvolvemento sostible. Apostamos por unha economía cun baixa proporción de carbono, penalizando cun imposto ao carbono as importacións provenientes de países industrializados que non respecten as taxas de emisión de carbono da UE.

7. Loita contra a discriminación, en particular a diferenza salarial entre homes e mulleres, garantindo que as medidas contra a crise tamén beneficien ás mulleres.

8. Mellor protección e igualdade de trato para os traballadores emigrantes e móbiles e un forte compromiso contra o racismo, o nacionalismo e a xenofobia.

9 Apoio aos Servizos Públicos e unha mellor protección estatutaria dos investimentos e dos empregos de calidade.

Os traballadores debemos apoiar opcións progresistas que defendan os nosos intereses e que loiten por unha europa social.

O 7 de xuño Vota nas eleccións europeas!

Retroceso Educativo

Unha vez coñecida a circular de instrucións da Dirección Xeral de Centros e Recursos Humanos de data 14 de maio de 2009, que se encabeza co texto: “coa finalidade de proceder a determinar o número de unidades e os POSTOS DE TRABALLO DOCENTE” dos centros de infantil e primaria dependentes da Consellería de Educación, quere manifestar e dar a coñecer ó profesorado o seguinte:

1.- A circular emitida infrinxe gravemente a normativa lexislativa básica contida no Estatuto Básico do Empregado Público e na Lei de Órganos de Representación por non terse tratado na Mesa Sectorial.

2.- No apartado b) desta circular prescríbese:”Na educación primaria agruparanse nun único grupo os alumnos de distintos cursos do mesmo ciclo sempre que o número de alumnos fose inferior ou igual a 20”. Este xeito de agrupamento do alumnado de distintas idades non se recorda dende tempos pasados, pois a propia Consellería no ano 2002 xa establecía que:”Non se agruparán unidades dun mesmo ciclo de educación primaria sempre que o número de alumnos da unidade resultante sexa superior a 16”. É, polo tanto, un retroceso considerable que terá como consecuencias inmediatas o deterioro da calidade do ensino e a supresión masiva de profesorado.

3.- Sorprende desagradablemente que este equipo da Consellería de Educación inicie a súa actuación con medidas que incumpren claramente o programa electoral do propio partido do Goberno que na súa páxina 215 manifesta: “redución do número máximo de alumnos por aula, que deberá ser de 15, especialmente na educación infantil”.

Por todo isto, solicitamos e exiximos a negociación dos criterios de agrupamento do alumnado de infantil e primaria, así como, a retirada e anulación desta circular. Ademais, anunciamos medidas sindicais de presión adecuadas para a consecución de dita negociación e retirada destas instrucións.

Incoherencias

A polémica suscitada polo novo goberno da Xunta de Galicia sobre o galego no ensino está dando lugar a un debate latente no que algunha organización está amosando un grao de incoherencia e falta de seriedade considerables.

Estámonos a referir ás resolucións aprobadas na distintas Xuntas de Persoal Docente das catro provincias galegas. Como pode comprobarse a información que fai a CIG-Ensino na súa web refírese á resolución da Xunta de Persoal de Pontevedra e Coruña. Nestas dúas xuntas apróbase por maioría a que presenta esta organización. Pero nas Xuntas de Persoal de Ourense e Lugo apróbase, cos votos da propia CIG-Ensino unha resolución que a esta organización non lle interesa dar a coñecer.

As resolucións aprobadas polas Xuntas de Persoal de Ourense e Lugo están á disposición do profesorado na web de FETE-UGT/Galicia e foron apoiadas por CCOO, FETE-UGT, STEG e CIG. En calquera caso o texto, que se presenta nas catro xuntas de persoal é o que segue:

A Xunta de Persoal Docente de ensino Non Universitario da provincia de ................................... manifesta:
1. O compromiso inequívoco coa Normalización do Galego no ensino, nese senso reclamamos o mantemento do Decreto 124/2007.

2. A esixencia de que calquera modificación sobre a normativa que regula a implantación do galego no sistema educativo, agora ou no futuro, debe facerse cun amplo consenso da cidadanía e dos seus representantes políticos e sociais. Por iso rexeitamos a proposta de derrogación unilateral do Decreto 124/2007 anunciada polo goberno da Xunta de Galicia.

É moi conveniente que o profesorado saiba e se entere das incoherencias interesadas que a CIG-Ensino practica. Pois alí onde a súa proposta resulta máis votada, trata de “vender” interesadamente esta ó profesorado. Alí onde a súa proposta non resulta aprobada pero é aprobada outra proposta doutras organizacións, incluso co apoio da propia CIG, entonces, non interesa que o profesorado se entere.

FETE-UGT A Coruña organiza una Mesa Redonda o martes 17 de febreiro ás 19:00 horas no Centro Universitario de Riazor (antiga Escola Universitaria de Ciencias Empresariais, enfronte da Casa da Auga).

A Mesa Redonda baixo o título “Apostando por Educar” estará formada por:

Pedro Armas , Candidato polo PSdeG-PSOE ó Parlamento de Galicia

Virgilio Gantes, Presidente da Federación de AMPAs de Galicia

Azucena Rodríguez, Coordinadora Xeral de IESGA(Iniciativa Estudiantil Galega)
Tonecho Álvarez , Sº Xeral de FETE-UGT A Coruña.

Modera: Gerardo Morano, Sº Executivo de FETE-UGT Galicia.

Contamos coa túa participación e aportación no posterior debate.

A Vicepresidencia da Xunta discrimina e atenta contra a Prevención de Riscos

FETE-UGT denuncia:

Vicepresidencia obriga a todos os traballadores das galescolas a acudir aos seus centros a pesar da alerta laranxa

A Dirección Xeral de Protección Civil cualificou a situación meteorolóxica para o día de hoxe de alerta laranxa, é dicir, risco importante.

Como consecuencia a Vicepresidencia da Igualdade e do Benestar acordou a suspensión das actividades desenvolvidas nas escolas infantís dependentes da mesma, pero ao mesmo tempo manifesta que a “dirección dos centros garantirá a presenza no centro de todo o seu persoal”.

Se se suspenden as actividades, por que teñen que acudir aos centros TODOS os traballadores e traballadoras? Quizais porque a Vicepresidencia lle gusta tomar decisións populistas desprezando a seguridade dos traballadores e traballadoras.

Mentres que a Consellería de Educación e Ordenación Universitaria só establece que debe estar nos centros o persoal necesario para informar e prestar axuda aos afectados que o poidan precisar Vicepresidencia OBRIGA A ACUDIR A TODOS OS TRABALLADORES E TRABALLADORAS.

Vicepresidencia, unha vez máis, vai por libre obviando as recomendacións do Conselleiro de Presidencia, José Luis Méndez Romeu, quen recordou á poboación a importancia de seguir as medidas de autoprotección como evitar desprazamentos. Pois ben, Vicepresidencia obriga a desprazarse innecesariamente a moitos traballadores e traballadoras das galescolas. En FETE-UGT, preguntámonos, para quen o benestar? Non desde logo para os traballadores e traballadoras que dependen do Consorcio Galego de Servizos de Igualdade e Benestar.